Тапкырлар, җитезләр иленә сәяхәт

Тема: «Тапкырлар, җитезләр  иленә  сәяхәт» ”Танып –белү ” белем бирү өлкәсендә мәктәпкә әзерлек төркеме балалары белән үткәрелгән ачык педагогик эшчәнлек. Максат: Балаларның геометрик фигураларны аера белүләрен ачыклау, цифрларны рәттән тезә белүләрен билгеләү, шигъри мәсьәләләр чишү, предметларны санап, тиешле санны әйтеп бетерергә күнектерү, балаларның уйлау, фикерләү сәләтләрен үстерү. Җиһазлау: конверт,  1-10га кадәр цифрлар язылган төсле шарлар, геометрик фигуралар, предметлар ясалган картина, цифрлар. Эшчәнлек  барышы: Тәрбияче: -         Исәнмесез, балалар. Хәерле көн! Балалар:      -  Хәерле көн! – дип җавап бирәләр. Тәрбияче:  Балалар, бүген  атнаның   ничәнче  көне? Балалар: Бүген атнаның өченче көне, чәршәмбе көн. Шулвакыт ишек шакыйлар һәм  хат  ташучы  хат кертә. Тәрбияче укый: -         Балалар, безгә Буратинодан хат килгән. Әйдәгез эле укып китик. Ниләр язды икән ул? “Буратино” хаты. “Исәнмесез, балалар. Мин – Буратино, сезгә хат язарга булдым. Мәктәпкә кергәч бик күп белергә кирәк икән. Мин үзем 2 нче номерлы мәктәптә укыйм. Сезгә шушы конвертка салып уеннар, биремнәр, күнегуләр җибәрәм. Боларны эшли алсагыз, мәктәптә укуы җиңел булачак.  Сезгә сәламәтлек теләп, сәлам белән Буратино. Сезне мәктәпкә көтеп калам”.  Тәрбияче: Балалар, Буратиноның беренче уены “Геометрик фигураларны таны” дип атала.   1.                      Балалар танып әйтәләр. 2 нче уен: “Шаян шарлар” дип  атала.               Шарларның урыннары буталган. Аларның урыннарын табып санарга кирәк.  Балалар шарларны тәртип буенча тезәләр. 3 нче уен: “Кем тизрәк цифрларны таба?” дип атала. Берничә предмет бирелә, шул группа предметлар янына тиешле санны куярга. 4 нче уен: “Башлыйм, бетер” дип атала. Тәрбияче укый; балалар мәкальнең яртысын әйтеп бетерергә тиеш. 1.    Беләге юан  берне егар, ... (белеме юан меңне егар). 2.    Җиде кат үлчә, ... (бер кат кис). 3.    Бер тапкыр алдашсаң, ... (100 кат дөрес әйтсәң дә ышанмаслар) 4.    100 сум акчаң булганчы, ... (100 дустың булсын) 5.    Егет кешегә, ... (җитмеш төрле һөнәр дә аз) 5 нче уен: Балалрның фикерләвен үстерүгә шигъри мәсьәләләр чишү. 1.     2 малай урамга Чыкты футбол уйнарга. Килеп кушылды бишәү Барысы булды ничәү?(7)   2.     Ак каенда 5 чыпчык. Ояда бер сыерчык. Кайсыгыз әйтер икән Барысы ничә кошчык?(6)   3.     Алсу бакчага керде 5 кызыл алма күрде 2не өзеп алды Агачта ничә калды?(3)   4.     5 кыз җыйналды Кызык итеп уйнады. Килеп керде Язилә Ничә булдык кем белә?(6)   Балалар хисаплап мәсьәләләрнең җавапларын табалар.   6нчы уен: Санлы табышмаклар.   1.     Җәеп куйсаң 5 була Җыеп куйсаң 1 була.(Йодрык)   2.     Ике корсак, 4 почмак .(Мендәр)   3.     Энәсе күп, йөзләп, меңләп Үзе бер дә тегә белми юньләп. (Керпе)   4.     Бер эшләпә астында 4 егет. (Өстәл)   5.     Бер агачта 5 тармак, Тармагы саен бармак.(Перчатка).         7нче уен: “Саннар белән тоташтыр”     Предметлар ясалган картиналарны тиешле сан  белән тоташтырырга.       5 2 1 3    8нче уен: Арифметик мәсьәләләр чишү.   1.     Энҗе урманда 3 ак гөмбә тапты. Бераздан соң 5 майлы гөмбә тапты. Энҗе күпме гөмбә җыйган? (Балалар җавап бирә) 2.     Ләләгә 5яшь, ә абыйсы 3 яшькә олырак. Ләләнең абыйсына ничә яшь? 3.     Айнур бәйрәмгә 4 шар тотып чыккан, ә сеңлесенең 2 гә ким. Аларның икесенә бергә ничә шар? 4.     Урамда бер өй тора. Анда өч хайван яши. Өч урындык , өч тәлинкә, Өч кровать, өч мендәр Монда кемнәр торганын Әйдәгез, әйтик тизрәк.(Өч аю) 5.     Бүре берьюлы ничә кәҗә бәтиен ашаган? (Алты) Мәсьәләне балалар үзләре дә төзеп әйтәләр.   Тәрбияче: Балалар, җиңеп чыктыгыз. Бүген сезнең өчен Буратино да бик сөенгәндер, чөнки сез аның уеннарын, биремнәрен бик җиңел эшләдегез. Афәрин, балалар! 
Предмет: География
Категория материала: Конспекты
Автор: Гайфиева Алсу Зуфаровна это Вы?
Тип материала: Документ Microsoft Word (doc)
Размер: 100.87 Kb
Скачать

Полезно? Поделись с другими:

Просмотров: 14   Скачиваний: 3

Если Вы являетесь автором этой работы и хотите отредактировать, либо удалить ее с сайта - свяжитесь, пожалуйста, с нами.

Посмотрите также:

— Методическая разработка к практикуму «Метеорологические приборы»
— Конспект, презентация урока «Северный Ледовитый океан»
— Доклад .Яңа стандарт куйган таләпләр.
— Равнины суши
— Климат.Реки и озера Австралии
— Австралия.Географическое положение.Рельеф и полезные ископаемые
— Конспект урока по географии
— Сценарий мероприятия, посвященного Дню туриста в школе
— Внутренние воды Африки
— Расчет кредитных сумм по сложным, простым процентам