Ұлы ойшыл Әл-Фараби "Адамға ең бірінші білім емес, тәрбие берілуі керек, тәрбиесіз берілген білім-адамзаттың қас жауы, ол келешекте оның барлық өміріне апат әкеледі" дегеніндей, біздің ұстаздық қызметімізде бірінші міндет тәрбие екені бесенеден белгілі. Сондықтан сынып жетекшісі ретінде сынып сағаттарын түрлендіріп ұйымдастырамын. Төменде сондай бір сынып сағатының жоспары берілді. Ұстаздар күніне орай ұйымдастырылған сынып сағатының мақсаты пән мұғалімдерінің оқушылар алдындағы мәртебесін, орнын, еңбегін бағалау, мерекелік көңіл-күй сыйлау. Сынып сағаты барысында оқушылар бір сәт мұғалімдер роліне ене отырып, ұстаздарының  еңбегін тағы бір мәрте сезіне алды.