Бу дәрес 2нче сыйныфның рус төркеме өчен Коммуникатив технология нигезендә, Сингапур  методикасы таләпләре буенча  эшләнгән. Дәреслекнең авторлары Р.З. Хәйдәрова, Н.Г.Галиева, Г.М.Әхмәтҗанова. “Күңелле татар теле” - дүртьеллык башлангыч рус мәктәбенең 2нче сыйныфы өчен   татар теле һәм әдәби уку дәреслеге (рус телендә сөйләшүче балалар өчен). Казан, “Татармультфильм” нәшрияты, 2013. Дәреснең тибы - материалны ныгыту яки белем күнекмәләрне камилләштерү дәресе. Башлангыч сыйныфларда татар телен өйрәнгәндә коммуникатив технологияне куллану аеруча уңышлы, чөнки ул дәрес үткәрүне, яңа материалны үзләштерүне һәм белем күнекмәләрне практикада куллануны күпкә җиңеләйтә. Коммуникатив технология балаларның фикерләү,чагыштыра, нәтиҗә ясый белү кебек сәләтләрен камилләштерергә булыша.